أدور للمدينه في خيال حطه أفلاطونـ ـ ـ
سعوديهـ .. ولكني بعيش بحلم يوناني
بعيش بـ ح ـلم يرفعني على روس البشروآمونـ ـ ـ
أصير أكبر من إحساس السنين الميت الفاني
ابتفرعـن واصير اكبر من إني انحسب فرعونـ ـ ـ
بصير اكبر من آثار القتيل وحجة الجاني
,
أبيك تكون يالقاضي مع (الونه) عضيد وعون
على اللي حيل حطمني وزاد سنين حرماني
حط أحلامي بكفه ويحلف للغرام يصون
وأنه مهما يحصل له أبد ماراح ينساني
,
حكا للناس علقني وهو زاد
الـ ج ـنون جنونـ ـ ـ
وأنا لجله أبتفاخر أمام الناس بـ جناني
بنى لي وسط أضلاعه خنادق غايره وحصونـ ـ ـ
دخلت فوسط خفّـاقه ولا أدري وين وداني
هربت من الوريد اللي يقيد قامة المسجونـ ـ ـ
عشان ألقى مفاتيح الخلاص بوسط شرياني
,
أدور أسأل صديقاتي وأردد يابشر تكفون
أنا ويني ماعاد أدري ولا أدري وين بلقاني
أدورني مابين آخر مدارات امتزاج اللون
ولكن للأسف إني ماعاد أشوف الواني
,
سواد انصب في عين(ن)حوت قبل الفراق الكونـ ـ ـ
تسربل في الحشا لين السواد بصمت أعماني
بغيت أعيش لكنه قتلني وابتسم بالهونـ ـ ـ
ذبح نصفه قبل لاكمل بقلبه نصفي الثاني
ذبحني وارتفع رأسه على بيد(ن)تسمى متونـ ـ ـ
دخيل الموت غني لي بودي اسمع أغاني
,
تراي أسمع تراتيل العروق بداخلي يبكون
وأحس إني عشان أحيا لزوم أقيد لساني
ثلاث أرباعنا حنا البنات نموت ماتدرون
نحب بصمت ونواجه جنون الشوق ونعاني
ندور للمدينه في خيالـ(ن) حطه أفلاطون
سعوديات لكنا نعيش بقلب يونــانـــي
_ _ _ _ _ _ _ _ _ _ _
من أروع ما قرأت , اتمنى ان ينال اعجابكم ..
الأربعاء أكتوبر 15, 2008 1:53 pm
