الله يجازي من يسوي سواتك

السلام عليكم ورحمة الله وبركاته

رائعة لابن فطيس تخفف من مافي القلب

لله يجازي مـن يسوي سواتـك
وبذنوب من سوى سواتك يجازيك

مشيت درب الثقـل وتحـب ذاتك
ماتدري انه للمهالك يوديك

غـرك جمالـك ياخسـاره حلاتك
ماتدري ان ماغير طبعـك يحليك

بتقـول زينـك يشفـع لسيـآتـك
الحسن ما هوعن وفا الحب يعفيك

لوالتواضع والوفـامن سماتـك
بعت الحبايب كلهم دين واشريك

لكن عجـزت اغيرك ياجراتـك
على الغياب اللي بلا عذرينجيك

خطاي في توضيح وشي غلاتك
وخطاك في توضيح وشوتغليك

وشلون توصيني وتنسا وصاتك
وتصد عن صوتن تقطـع يناديك

مافاتـك التجريـح والعـذر فاتك
وتبغي الراي الحين ماعاد يمديك

صحيح احبك بـس هاذي جزاتك
بعلمـك درس يفيـدك ويحيـيـك

تدري وش ابيض من خفوقك عباتك
وتدري وش اللي غرني نظرتي فيك

ادري بتستغـرب تصبـر وجاتك
قصيدة مـن واحـد كـان يبغيـك

وتبغي تناظروانت عايش مماتك
شف وحدتك والناس تجلس حواليك

وتبغي تشوف اشجع رجل في حياتك
شفني وانا راحل على كثر ماغليك

نوـآفــ..

مشكووووووووووووووور اخوي نـــواف علي الابيات

الرئعه ويسلم يمينك علي الابيات الابن فطيس المرئ

صح لسان الشاعر ابن فطيس

والله يعطيك العافيه نواف على هذا النقل الرائع

ودمت بود..